လေ့လာမှတ်သား အချက်အလက်များ အပိုင်း (၁)

 

ယနေ့ ကျွန်တော်တို့ အရှုးအမှုး လေ့ကျင့် ကစားနေတဲ့ ကာယဗလ အားကစားနည်းမှာ နေ့ချင်းညချင်း ကြီးထွား တိုးတက် လာစေနိုင်မယ့် “အံ့သြဖွယ်ရာ အာဟာရ များ´´မရှိပါ။ “အံ့သြဖွယ်ရာ လေ့ကျင့်မှုစနစ်များ´´မရှိပါ။ “အံ့သြဖွယ်ရာ အထောက်အကူပြု ဆေးလုံးများ (သို့မဟုတ်) တားမြစ်ဆေးပါးများ´´ မရှိပါ။ သို့ပါသော်လည်း အချို့သော ဖြတ်လမ်း လိုက်ပြီး အလျင်အမြန် ကြီးထွားချင်သူများလည်း ရှိပါသည်။ ထိုသူတို့သည် သူတို့ မျော်လင့်သလို ဇြတ်လမ်းက နေ အလျင်အမြန် ကြီးထွား ချင်စိတ်ဖြင့် ငွေအလုံးအရင်းဖြင့် ဖြည့်စွက်ဆေးများ ၀ယ်ယူ မှီဝှဲလျင် သူတို့ မျော်လင့်သလို ဖြစ်လာမည်ထင်ကြသည်။ တကယ်တမ်း ရလဒ်ကတော့ အချည်းအနှီး ဖြစ်သွားကြသည်သာ ဖြစ်သည်ဟု ကျွန်တော်တို့ ဆိုက်မှ ဆောင်းပါးများ တွင် မကြာခဏ ဆိုသလို သတိပေးရေးသားပေးနေသလို အရင်မြန်မာဖစ်တနက်စ်ဆိုက်မှာကျွန်တော် တင်ပြ ရေးသားပေးခဲ့သော ကိုအောင်ဆွေနိုင်နှင့် ရောက်တတ်ရာရာမေးခွန်းများ ဆောင်းပါး တွင်လည်း ချန်ပီယံ ကိုအောင်ဆွေနိုင် ကိုယ်တိုင်က ကာယဗလ စတင်လေ့ကျင့်သူ လူသစ်များအတွက် သတိပေး ပြောဆိုခဲ့သည်ကို ထည့်သွင်း ရေးသားပေးခဲ့ပါသည်။ယခုဆောင်းပါးတွင်ကာယဗလသမားတစ်ဦးမှတ်သားရမည်အချက်အလက်တစ်ချို့ကိုရေးသားတင်ပြပေးထားသဖြင့်မှတ်သားလိုက်နာရန်မှာမိမိတာဝန်သာဖြစ်သည်။

အောင်မြင်သော ကာယဗလလေ့ကျင့်မှုအတွက်
“အခြေခံအချက်(၃)ချက်´´ အချိန်အဆညီမျှမှုနှင့် ပြည့်စုံ ရန်လိုအပ်ပါသည် -
(၁) မှန်ကန်စွာလေ့ကျင့်ခြင်း
(Proper Training)
(၂) မှန်ကန်စွာအာဟာရမှီဝဲခြင်း
(Good Nutrition)
(၃) အကောင်းမြင်စိတ်ဓာတ်ထားရှိခြင်း
(Positive Attitude)
ဒီအခြေခံအချက်(၃)ချက်စလုံးကို တန်းတူရည်တူ ဂရုစိုက်ရပါမယ်။ အလေးထားရပါမယ်။ တစ်ချက်ချက်ကို အလးအနက်မထားမိလိုက်တာနဲ့ ထိခိုက်မှာ မုချပဲ။ တိုးတက်မှု “တန့်´´သွားမှာသေချာတယ်။ ကာယဗလ လေ့ကျင့်မှုဆိုတာ ဘက်စုံဂရုစိုက် အားထုတ်ရတဲ့ အလုပ်ဖြစ်ပါတယ်။ လေ့ကျင့်ရုံသက်သက်မဟုတ်ဘူး။ စားရုံသက်သက်မဟုတ်ဘူး။ အကောင်းမြင်စိတ်ထားရုံနဲ့ မပြည့်စုံနိုင်ဘူး။ သုံးချက်စလုံးနဲ့ ညီညွတ်ပြည့်စုံရမယ်။ ဒီသုံးချက်ထဲမှာ အကျုံးဝင်တဲ့ အစိတ်အပိုင်းတွေကို အမှားနည်းနိုင်သမျှ နည်းအောင် ရှောင်နိုင်လေ တိုးတက်မှုမြန်လေ၊ အောင်မြင်မှုအခွင့်လမ်း ပိုပြီး ကြီးမားနိုင်လေ ဖြစ်ပါလိမ့်မယ်။
ကာယဗလလေ့ကျင့်မှု အစွမ်းကုန်တိုးတက်ရေးအတွက် ဂရုစိုက်ပြီး ရှောင်ရှားဆောင်ရွက်သွားရန် လိုအပ်တဲ့ အဖြစ်တတ်ဆုံး အချက်တွေ အမျးကြီးရှိပါတယ်။

၁။ လေ့ကျင့်မှုလွန်ကဲခြင်း
(Overtraning)
ကာယဗလသမားတစ်ဦးဟာ ပြင်းပြင်းထန်ထန်လေ့ကျင့်ဖို့နဲ့ အားသွန်ခွန်စိုက်လေ့ကျင့်ဖိုးအတွက် စိတ်အားထက်သန်မှုရှိဖို့လိုအပ်ပါတယ်။ ဒါပေမယ့် ဆင်ခြင်တုံတရားကင်းမဲ့တဲ့ စိတ်ထက်သန်လွန်းတာမျိုး မဖြစ်စေရပါ ဘူး။ “နှစ်ကျော့ကစားလို့ကောင်းတာကို လေးကျော့ကစားရင် ပိုကောင်းမှာပဲ´´ဆိုတဲ့ လွဲမှားတဲ့အယူအဆမျိုး ရောဂါ တက်လို့တော့မဖြစ်ဘူး။ မှားသွားလိမ့်မယ်။ ကစားတဲ့ အကျော့တွေများလွန်သွားရင် နောက်တစ်ခါကစားချိန်အတွက် အားပြန်ဖြည့်ဖို့ ပိုပြီးခက်သွားလိမ့်မယ်။ အနားမရရင် အားပြန်မပြည့်ရင် ကြွက်သားတွေကြီးထွားနိုင်တော့မှာ မဟုတ်ဘူး။
ကိုယ့်ရဲ့ကာယဗလသက်တမ်း၊ ကိုယ့်အဆင့်အခြေအနေ၊ ကိုယ့်အချိန် ရာသီဥတု စတဲ့အချက်တွေကို တွက်ပြီး ကစားတတ်ရပါတယ်။ ကာယဗလသမားတိုင်း ကြွက်သားတွေ ကြီးထွားချင်ကြသူတွေချည်းပဲ။ ကြွက်သားထု ကြီးထွားရေးအတွက် ယေဘူယျလမ်းညွှန်မှုအကြံပေးချက် ကတော့ တစ်ပါတ်မှာ (၄)ရက်ကစားပါ၊ (၂)ရက်ကစား၊ (၁)ရက်နား၊ (၂)ရက်ပြန်ကစား၊ (၂)ရက်ဆက်တိုက်ကစားတဲ့ “ရက်ခွဲကစားနည်း´´ (Split Routine) မျိုး ကစားပါ။ အပေါ်ပိုင်းတစ်ရက်၊ အောက်ပိုင်းတစ်ရက် ခွဲကစာနည်းဖြစ်ပါတယ်။ ကြွက်သားတစ်ခုကို တစ်ပါတ်မှာ (၂)ကြိမ်ပဲ ကစားတဲ့နည်း ဖြစ်ပါတယ်။ ဒါမှမဟုတ် (၃)ရက်ခွဲကစားပြီး ကစားတဲ့နည်းမျိုးနဲ့ ကစားပါ။ (၃)ပိုင်းခွဲပြီး (၂)ပိုင်းကို (၂)ရက်ကစား၊ တစ်ရက်နား၊ ကျန်တဲ့(၁)ပိုင်း တစ်ရက်ကစား၊ တစ်ရက်နား၊ (၂)ရက်ပြန်ကစား ပုံမှန်လည်ပတ် ကစား သွားတဲ့နည်းဖြစ်ပါတယ်။

ကြွက်သားကြီးတွေအတွက် တစ်ခုကို (၁၂)ကျော့ထက် ပိုမကစားသင့်ဘူး။ ကြွက်သားကြီးများ (Major Muscles) ဆိုတာက ရင်အုပ်၊ နောက်ကျောအပေါ်ပိုင်း (၀မ်းသား)၊ ပေါင် စတာတွေဖြစ်ပါတယ်။ ကြွက်သားငယ်များ (Smaller Muscles) ဖြစ်တဲ့ လက်မောင်းရှေ့သား၊ နောက်သား၊ လက်ဖျံနဲ့ ခြေသလုံးသားတွေကို (၉)ကျော့ထက် ပိုမကစားသင့်ဘူး။ လေ့ကျင့်ခန်းတစ်မျိုးကို အခြေခံ (၃)ကျော့နှုန်းနဲ့တွက်ရင် (၃)မျိုး x (၃)ကျော့ဆိုရင် စုစုပေါင်း (၉)ကျော့၊ (၄)မျိုး x (၃)ကျော့ဆိုရင် စုစုပေါင်း (၁၂)ကျော့ပေါ့။
လေ့ကျင့်မှုမလွန်ကဲအောင်၊ မများအောင် သတိထားကစားပါ။ လေ့ကျင့်မှုမလွန်ကဲရင် အာပြန်ဖြည့်တာပိုမြန် မယ်။ အားပြည့်ရင် အလေးများများနိုင်မယ်။ ကစားရတာ ပိုပြီး စိတ်တက်ကြွမယ်။ လေ့ကျင့်မှုမလွန်ကဲရင် ကြွက်သားတွေ ပိုတက်မယ်။
လေ့ကျင့်မှုမလွန်ကဲအောင် သတိထားကစားပါ။

၂။ အခြေခံလေ့ကျင့်ခန်းများ
(Basic Exercises)
ကိုယ်ကပိန်တယ်၊ ကိုယ်အလေးချိန် နည်းတယ်ဆိုရင် ကြွက်သားတက်အေင်၊ ကြီးထွားအောင်၊ ခွန်အားတိုးတက်အောင်ကစားဖို့ လိုပါမယ်။ ကြွက်သား၊ ကိုယ်ခန္ဓာအရွယ်အစားနဲ့ ခွန်အားတွေတက်ချင်ရင် “အခြေခံ လေ့ကျင့်ခန်းများ´´ (Basic Exercises) ကို စွဲစွဲမြဲမြဲကစားရပါမယ်။
အခြေခံလေ့ကျင့်ခန်းတွေကိုကစားရင် အလေးများများလည်း ပိုနိုင်မယ်၊ ကိုယ်ကစားတဲ့ အဓိကကြွက်သား တွေအပြင် လေ့ကျင့်ခန်းလှုပ်ရှားမှုနဲ့ ဆက်နွယ်နေတဲ့ တစ်ခြားကြွက်သားတွေကိုလည်း “သွယ်ဝိုက်တဲ့ထိရောက်မှု အာနိသင်များ´´ (Indirect Effects) ကိုလည်း ပေးစွမ်းနိုင်လိမ့်မယ်။ ဒါ့ကြောင့် အခြေခံလေ့ကျင့်ခန်းများကို “စုေါင်းလေ့ကျင့်ခန်းများ´´ (Compound Exercises) ဖြစ်တယ်လို့လည်း ပြောကြတာဖြစ်ပါတယ်။ အခြေခံလေ့ကျင့် ခန်းများကတော့ အလေးထမ်း၊ ထိုင်ထပြုလုပ်ခြင်း (Squats)၊ အလေးခုံကို ခြေဖြင့်တွန်းကန်ခြင်း (Leg Presses)၊ အလေးကို ဒူးဆန့်ဆွဲတင်ခြင်း (Deadlifts)၊ အလေးကို ဒူးကွေးဆွဲတင်ခြင်း (Barbell Rowings)၊ တန်းခိုဆွဲတက်ခြင်း (Chins)၊ ပခုံးနောက်အနှေးမခြင်း (Behind-the-Neck Presses)၊ အလေးကို မေးစေ့အောက်ဆွဲတင်ခြင်း (Upright Rows)၊ အလေးကိုင်ပြီး ပခုံးပင့်တင်ခြင်း (Shrugs)၊ ခွန်အားစိုက်ကလင်းကောက်ခြင်း (Power Cleans)၊ ခုံပေါ်ပက်လက်အိပ်အနှေးမခြင်း (Bench Presses)၊ ခုံစောင်းပေါ်တွင် အနှေးမခြင်း (Incline Presses)၊ လက်ထောက် တွန်းတင် ဒိုက်ထိုးခြင်း (Dips)၊ အလေးခေါင်းနောက်မှ ဆွဲတင်ခြင်း (Pullovers)၊ လက်မောင်းနောက်သား ဆန့်ထုတ်ခြင်း (Triceps Extensions)၊ ပလက်လက်အိပ် လက်ကျဉ်းကိုင်အနှေးမခြင်း (Close-grip Bench Presses)၊ ဘားတိုဘားရှည် လက်မောင်းရှေ့သားကွေးမခြင်း (Dumbell and Barbell Curls)၊ မတ်တတ်ရပ်အလေးထမ်း ခြေသလုံးသား ကြွတင်ခြင်း (Standing Calf Raises) နဲ့ ခါးပေါ် လူအားပြုပြီး ခြေသလုံးကြွ တင်ခြင်း (Donkey Calf Raises) တို့ ဖြစ်ကြပါတယ်။ ကာယဗလလေ့ကျင့်မှုစလုပ်တဲ့ အနည်းဆုံး(၆)လလောက် အတွင်းမှာ ကစားဖို့ ထည့်ပြီး မစဉ်းစားသင့်တဲ့ လေ့ကျင့်ခန်းတွေရှိပါတယ်။ ခါးကိုင်းပြီး လက်မောင်းရှေ့သား သက်သက်အားနဲ့ လက်မောင်းကွေးမခြင်း (Concentration Curls)၊ ခါဒကိုင်းပြီး ဘားတိုတစ်ဖက်ကိုင် လက်မောင်းနောက်သား နောက်ကိုဆန့်ထုတ်ခြင်း (Triceps Kick Backs)၊ ဘားတိုကို ဘေးတိုက်မတင်ခြင်း (Lateral Raices)၊ ပက်လက်အိပ်ပြီး ဘားတိုကို ငှက်တောင်ကားသလို ဘေးတိုက်ခွဲမခြင်း (Leg Extensions)၊ ထိုင်လျက်ဒူးဆန့်ထုတ်ခြင်း (Leg Extensions)၊ ရင်အုပ်သားအတွက် စက်ဖြင့် ဘေးတိုက်ခွဲ ပြန်ဆွဲခြင်း (Pec-Dec flyes) စတဲ့လေ့ကျင့်ခန်းများဖြစ်ပါတယ်။ ဒီလေ့ကျင့်ခန်းတွေဟာ အခြေခံလေ့ကျင့်ခန်းများလို စုပေါင်းအာနိသင်ရှိတဲ့ လေ့ကျင့်ခန်းတွေ မဟုတ်ပါဘူး။ ကြွက်သားတစ်ခုချင်းရဲ့ ကြွက်သားပုံစံနဲ့ ကြွက်သားကွဲပြားပေါ်လွင်မှုအတွက် ပြိုင်ပွဲဝင် မောင်တွေနဲ့ ချန်ပီယံတွေ ကစားကြတဲ့ “သီးသန့်ကြွက်သားခွဲ လေ့ကျင့်ခန်းများ´´ (Isolation Exercises) ဖြစ်ပါတယ်။ မကစားရဘူးလို့ ပိတ်ပင်တားမြစ်တာ မဟုတ်ပါဘူး။ ကိုယ်က အခြေခံကြွက်သားထုတက်အောင် လေ့ကျင့်နေတဲ့ အဆင့်မှာ မလိုအပ်သေးလို့ မကစားသင့်သေးဘူးလို့ သတိပေးတားသာဖြစ်ပါတယ်။ သီးသန့်ကြွက် သားခွဲ လေ့ကျင့်ခန်းတွေဟာ ကြွက်သားအလှပုံဖော်တဲ့ လေ့ကျင့်ခန်းတွေဖြစ်ပါတယ်။ အခြေခံလေ့ကျင့်ခန်းတွေက ကြွက်သားနဲ့ ခွန်အားတိုးတက်မှုဝေးတဲ့ လေ့ကျင့်ခန်းတွေဖြစ်ပါတယ်။
အခြေခံလေ့ကျင့်ခန်းတွေကို တစ်နှစ်လောက် ကစားပြီးတဲ့အခါမှာတော့ ကိုယ့်ရဲ့ အားနည်းတဲ့ ကြွက်သား အစိတ်အပိုင်းတွေအတွက် သီးသန့်ကြွက်သားခွဲလေ့ကျင့်ခန်းတခို့ကို ထည့်ကစားသွားနိုင်ပါတယ်။ တိုးတက်မှု အတော်ရှိနေတဲ့ ကာယဗလသမားတွေတောင်မှ သီးသန့် ကြွက်သားခွဲလေ့ကျင့်ခန်းတွေကို အများကြီး မကစားကြဘူး။ အခြေခံလေ့ကျင့်ခန်းများက (၇၅)ရာခိုင်နှုန်းနဲ့ သီးသန့်ကြွက်သားခွဲ လေ့ကျင့်ခန်းများက (၂၅)ရာခိုင်နှုန်း အချိုးအစား ထားပြီး ကစားသင့်ကြပါတယ်။
အခြေခံလေ့ကျင့်ခန်းတွေကို အနိုင်ဆုံး အလေးများများနဲ့ ကစားခြင်းဟာ ကြွက်သားကြီးထွားမှုအတွက် အခြေခံကိုယ်ကာယကို ဆောက်တည်ယူတဲ့ သဘောဖြစ်ပါတယ်။ အခြေခံမခိုင်သေးဘဲနဲ့ သီးသန့်ကြွက်သားခွဲ လေ့ကျင့်ခန်းတွေကို ဦးစားပေး ကစားတာက အောက်ခြေမခိုင်ခံ့တဲ့ သဲသောင်ပြင်ပေါ်မှာ အိမ်ဆောက်နေတာနဲ့ တူပါလိမ့်မယ်။

၃။ ခွန်အားစိုက်ကစားခြင်း
(Intensity Training)
က်သားတွေကြီးထွားလာဖို့အတွက် ခွန်အားစိုက်ထုတ်မှု အရှိန်မြင့်မြင့် (High Intensity) နဲ့ ကစားရပါလိမ့် မယ်။ ဘယ်နှစ်ကျော့ပဲ ကစားကစား အကျော့တွေကို ပျင်းပျင်းရိရိနဲ့ လေးလေးကြီး ကစားနေလို့ကတေ့ ကြွက်သားတွေကြီးထွားလာဖို့မျှော်လင့်မနေပါနဲ့။ လေ့ကျင့်ခန်းတိုင်းမှာ သွေးပူ အကျော့ တစ်ကျော့ နှစ်ကျော့ ကစားပြီးတာနဲ့ တကယ်ကစားမယ့် အကကျော့တွေကို ပြင်းပြင်းထန်ထန် နာနာလေး ဆက်ကစားရပါမယ်။ တစ်ကျော့ နဲ့ တစ်ကျော့အကြား အကြာကြီးမနားဘဲ အရှိန်နဲ့ ခွန်တိုက်အားတိုက် ကစားရမယ်။ ဒီလို ကစားတာကို “ခွန်အားစိုက် ကစားခြင်း´´ (Intensity Training) လို့ ခေါ်ပါတယ်။
နေ့စဉ်ရက်ဆက် အရှိန်မြင့်မြင့်နဲ့ ခွန်အားစိုက် ကစားလို့မရတဲ့ အခါမျိုးလည်း ကြုံတွေ့ရတတ်ပါတယ်။ တစ်ခါတစ်ရံမှာ ကိုယ့်ရဲ့ကာယအား၊ စိတ်အားတွေက၊ တခြားနေ့တွေထက် ပိုအားကောင်း နေတာမျိုးရှိသလို လူရောစိတ်ရော နုန်းနေပြီး ကစားချင်တဲ့စိတ်နည်းနေလို့ အလေးတွေ လျှော့ကစားရတဲ့နေ့မျိုးတွေလည်း ရှိတတ် ပါတယ်။ အားမရှိတဲ့နေ့မျိုးတွေမှာ ချင့်ချိန်ပြီး လျှော့ကစားရတာမျိုးကို မပြောလိုပါဘူး။ ကိုယ့်မှာကစားနိုင်တဲ့ အခြေအနေရှိရက်နဲ့ အားသွန်ခွန်စိုက် အားထုတ်မကစားရင်တော့ တိုးတက်မှုကို ဖင့်နှေးစေမှာ သေချာတယ်လို့ နားလည်ထားရပါမယ်။
အလေးတွေ ဘယ်လောက်များများနဲ့ ကစားနိုင် ကစားနိုင် တစ်ကျော့ကစားပြီး နောက်တစ်ကျော့ မကစားခင် ကြားမှာ အကြာကြီးနားပြီး မှန်ရှေ့ကမဖယ်တော့ဘဲ မှန်ကြည့်နေတာမျိုး၊ ပေကြိုးနဲ့ ကြွက်သားကို တိုင်းပြီး ဘ၀င်ခွေ့ပြီး အချိန်ကို မေ့နေတာမျိုး၊ အားမနာတမ်းပြောရရင် လေကန်ပြီး အချိန်ဖြုံးနေတာမျိုးတွေဟာ ခွန်အားစိုက်ကစားခြင်းရဲ့ ဆန့်ကျင်ဖက်တွေဖြစ်ပါတယ်။ အာနိုးဟာ ကစားရင်း ရယ်စရာ၊ မောစရာတွေ တသောသောပြောပြီး ကစားတတ်ပါ တယ်။ ဒါပေမယ့် သူ့ရဲ့ စိတ်အာရုံနဲ့ လေ့ကျင့်ပုံက ခွန်စိုက် အားစိုက် လေ့ကျင့်မှုကို ဘယ်တော့မှ အထိခိုက်မခံပါဘူး။
ကြွက်သားကြီးတွေအတွက် အလေးများများနဲ့ ကစားရတဲ့ အောက်ပိုင်းထိုင်တာမျိုးမှာ တစ်ကျော့နဲ့ တစ်ကျော့ အကြား (၁)မိနစ်ကနေ အများဆုံး (၃)မိနစ်ခွဲထက်ပိုပြီး မနားသင့်ပါဘူး။ ကြွက်သားငယ်တွေကစားရင် တစ်ကျော့နဲ့တစ်ကျော့အကြား နားချိန် (၁)မိနစ်အောက် (၃၀)စက္ကန့်နဲ့ (၄၅)စက္ကန့်အတွင်းပဲ ချိန်ပီယံတွေ နားကြပါ တော့တယ်။ နားချိန်နည်းနည်းနဲ့ကစားနိုင်လေ ကြွက်သားထုနဲ့ ကြွက်သားအရည်အသွေးတို့အတွက် ပိုကောင်း လေပဲလို့ သိလကြတဲ့နေ့ကစပြီး ခွန်အားစိုက်လေ့ကျင့်မှုဟာ ကာယဗလသမားအားလုံးရဲ့ ခေတ်မီလက်နက်ကောင်း တစ်ခုဖြစ်လာခဲ့ပါတယ်။
တစ်ကျော့နဲ့တစ်ကျော့အကြား အသက်ရှူ ပြန်မှန်ရုံလေးအတွက်သာနားပြီး ဆက်တိုက်မြန်မြန် ကစားခြင်းဟာ အမောခံနိုင်ရည် သက်လုံကို ကောင်းစေပါတယ်။ တစ်နည်းအားဖြင့်တော့ နှလုံးကြွက်သား ခွန်အား ကောင်းစေတဲ့ “အယ်ရိုးဗစ်အာနိသင်´´ (Aerobic Effects) ကို ရစေပါတယ်။
တစ်ကျော့နဲ့ တစ်ကျော့အကြား အချိန် အနည်းဆုံး အနားယူပြီး ခွန်တိုက်အားတိုက် ဆက်တိုက်ကစားပါ။

ကျန်ရှိသည့်အချက်များကိုအပိုင်း( ၂ )တွင်
ဆက်လက်တင်ပြပေးသွားပါမည်။

တင်ဆက်သူ ။ ။အောင်အောင် (လှိုင်)
email-aungaung.aung24@gmail.com